إنما للصبر حدود ..للصبر حدود يا سيسي / السيسي يفرض جباية جديدة ثابتة على كل فاتورة كهرباء قدرها 10 جنيهات..!!

الثلاثاء 16 أغسطس 2016 - 11:01 مساءً
نصر العشماوي
مخطيء من يتصور أن هناك أي وزير بحكومة الانقلاب يستطيع أن يقرر شيئا في وزارته فكل وزير موظف بمعنى الكلمة لدى سلطة العسكر والبرلمان فرع من فروع الانقلاب يفعل ما يؤمر به ، والسيسي قد ظهر مرارا وتكرارا في اللقاءت التي كانت تذاع على الهواء في احتفاليات الافتتاحات لما يسمى بالمشروعات فيمسك كل وزير ميكروفونا ويظل يشرح خطوات الوهم للمشاريع القادمة أمام شاشة وشوية تصاوير وحينما يتعثر الوزير في تمويل مشروعه ويقول بنبحث عن ممول عشان نكمل المرحلة .. تجد السيسي فورا يقول له :
ممول ليه .. اعمل دمغة يا افندم .. اعمل بند كدة يدفعه كل مواطن وهو بيقدم ورق .. اعمل ضريبة ..أي حاجة هاتلاقي التمويل جه على طول ..!
ومن هذا المنطلق البائس فقد قرر السيسي من خلال وزير بيئته خالد فهمي زيادة رسوم النظافة على فاتورة الكهرباء قدرها 10 جنيهات مرة واحدة .. يا نهار اسوح شوف الافترا ؟ ده لسه فاتورة الكهرباء زايدة ؟
وقال وزير السيسي بتاع البيئة خلال لقائه ببرنامج «صح النوم» الذي يقدمه محمد الغيطى المذاع على فضائية «LTC» أنه تم إعداد قانون لزيادة رسوم النظافة على فاتورة الكهرباء إلى 10 جنيهات وسيتم عرضه على مجلس النواب لإقراره..!
يا راجل ..وهو ده قرار محتاج قانون برضه ..؟؟!
زود على طول وراك رجالة .
وست بتغني : إنما للصبر حدود .. للصبر حدوود يا سيسي !!

تعليق الفيس بوك