كاتبه "اغمز ياسيسي" يخرب بيتك احنا مش نور عنيك ، المحتكرين بس هم نور عنيك!!!

الجمعة 17 مارس 2017 - 08:04 صباحاً
كاتبه

كاتبه "اغمز ياسيسي" يخرب بيتك احنا مش نور عنيك ، المحتكرين بس هم نور عنيك!!!

كتب : محمد الصياد
كاتبه "اغمز ياسيسي" احنا مش نور عنيك ، المحتكرين بس هم نور عنيك!!! ومازالت غاده الشريف تستمر في انتقادها للسيسي بعد ان كانت اكبر المؤيدين له ، . قالت "الشريف": بمنتهى الغباء قررت الحكومة الغاء العلاج على نفقة الدولة.. على فكرة العلاج على نفقة الدولة ده مش زى ما انت فاكر يا حمادة انه بتاع الاغنياء. لأ. الاغنياء بيسافروا يتعالجوا برة. لكن العلاج على نفقة الدولة اللى اتلغى ده بتاع الموظفين لما تكاليف علاجهم بتعدى الحد اللى محدده التأمين الصحى بتاع وظايفهم، فالدولة بتتدخل علشان تتكفل بباقى تكاليف العلاج". واشارت بقولها: "كل المرضى المزمنين زى مرضى الغسيل الكلوى و القلب و امراض الرئة و السرطان هم دول اللى بيستفيدوا من العلاج على نفقة الدولة سواء فى اجراء العمليات الجراحية أو شراء الادوية الباهظة الثمن.. يبقى الدولة قصدها ايه لما تقرر إلغاء انفاقها على علاج المرضى دول"؟!! وتساءلت: "جرى إيه يا عم؟.. هو في إيه بالظبط؟.. إنت مالك بتزنقها على الناس من كل ناحية كده؟..سايب التجار و المحتكرين يرفعوا الأسعار براحتهم علشان واضح كده ان التجار و المحتكرين نور عينيك.. و سايب شركات الادوية ترفع سعر الدواء علشان شركات الادوية نور عينيك... و توافق على خصخصة المستشفيات العامة علشان المستثمرين فى الصحة نور عينيك.. و كمان هتلغى علاج الموظفين الغلابة على نفقة الدولة بدل ما توقف مهزلة بذخ إنفاق الوزراء و البرلمان"؟!! وأختتمت تدوينتها بقولها: "هو نور عينيك ماله حادف شمال كده؟!.. على رأى حسن مصطفى فى مدرسة المشاغبين: يخرب بيوتكو و البيوت اللى جنب بيوتكو و البيوت اللى جنب البيوت اللى جنب بيوتكو"! وعلي اثر هذا المقال توالت السخريات علي النظام فمنهم من وصفهم بأقبح الاوصاف

تعليق الفيس بوك